Tetã Rekuái ome’ẽta G. 27.000 millón ojoko ha omonguera hag̃ua pohã vai jeipuru

Agencia IP.- Mba’ehekopegua’ỹ Ojejapyhy ha Ojeipe’apyréva Ñeñangareko Sãmbyhyha (Senabico) he’i ome’ẽtaha G. 27.000 millón ojeipurúta ojoko hag̃ua pohã vai jeipuru.

Peteĩha jey, umi viru ojeipe’áva crimen organizado-gui oguahẽta tetãyguakuérape mokõi apopyrã rupive, péva apopyrã Sumar ryepýpe.

Upéicha he’i kuri Tetãpy Motenondehára Enrique Riera, oñembyaty haguére Mburuvichavetẽ Santiago Peña ha ambue tendota kuéra ndive.

Tetã Rekuái oipurúta pe viru ojeipe’a va’ekue oipytyvõ hag̃ua Tekombo’e ha Tembikuaa Motenondeha (MEC) ha Tesãi ha Teko Porãve Motenondeha (Mspbs). Ko’ã tembiapo kuéra oike hína apopyrã Sumar ryepýpe, omotenondéva Mburuvichavetẽ.

Ko’ã mba’e ojejapóva oñemba’apo Art. 46 Léi 5876/17 ryepýpe, he’íva pe 50% viru Senabico oñembyatýva subasta kuérape ojeipuru arã rehabilitación-pe g̃uarã ha ojejoko hag̃ua pohã vai jeipuru.

Ko’ã mokõi apopyrã omba’apóta SUMAR ndive.
Consejo Evaluador de Proyectos ohenói kuri umi oipotáva ohechauka hag̃ua imba’ekuave’ẽmby. Mokõi apopyrã ohechauka kuri imba’e: Centro Residencial de Deshabituación y Rehabilitación de Adicción (Ditres) Mspbs rehegua ojeruréva G. 15.000 millón, ha aporyrã “Pilar” MEC rehegua, ojoko hag̃ua pohã vai jeipuruambue avarekohápe, ohupytýva G. 12.000 millón.

Umi Senabico-gua, Ministerio Público, Corte Suprema de Justicia, Tesãi ha Teko Porãve Motenondeha (Mspbs), Pohã Vai Ñemboykerã Sãmbyhyha (Senad) ha Tetãpy Motenondeha (MI) oĩ hína Consejo Evaluador-pe.

Senabico oñepyrũ jave omba’apo, oñembyatýma viru 10 subasta pública rupi, ojeipe’a haguére viru cuentas bancarias-gui. Ko viru ojeipurúta ko’ãga guive oñeipytyvõ hag̃ua umi ogaygua kuérape ohupytýva chupekuéra pohã vai.

Ko’ãgã, MEC oguerekótama viru omba’apove hag̃ua jejokópe, ha oipytyvõta ani hetave tapichakuéra oipuru pohã vai. Ambue 50% viru oñembyatýva oñemboja’óta umi institución ombohováiva narcotráfico ha crimen organizado, omombaretévo tembiporu ipyahúva.

Senabico oreko hína peteĩ mba’e ojapo arã, ha’éva ombyaty arã umi viru ojeipe’áva narcotráfico-re. Upéva rupi heta oñeipytyvõma umi institución omombaretéva kyhyje’ỹ, ha omoporãve tetãyguakuéra tekove ohasa asýva microtráfico rehe.

Ñane retã, ko’ãgã peve, oreko peteínte umi Centro Nacional de Adicciones. Ojejapo ramo hetave subasta oñembyaty hag̃ua viru, ikatúma jaguerekove ambue centro de rehabilitación tetã pukukuépe ára oúvape.

Omotenondévo viru oñeme’ẽva apopyrã ojoko ha omonguera hag̃ua pohã vai jeipuru umi institución-rã roje’éva kuri, Senabico oipuruka heta mba’e ikatúva ha’e mba’erepy, ogapy rembiporu, kamiõ ha ambue 29 institución pública-pe, ha upéicha oipytyvõ oipysyrõ hag̃ua viru ñane retã rehegua.