Senatur oipepirũ tetãpy jehechauka ko arete pukukue Kaakupépe

 Agencia IP.- Ko arete pukukue Tupãsy Ka’akupe ára rupi ikatu ojeipuru oñembohetave hag̃ua jehechauka ñane retãme, he’i Tetãpy Jehechauka Sãmbyhyhára (Senatur), Angie Duarte.

Pe asueto Mburuvichavetẽ Santiago Peña omoĩva kuri rupi, ko arete orekóta irundy ára. “Iporãiterei kóa tetãpy jehechauka g̃uarã”, he’i oñomongetávo Tribuna, Paraguay TV ndive.

Umi oikuaaséva ko’ã tetãpy jehechauka rehegua, ikatu ohecha página web “Visita Paraguay” ha Senatur rehegua, ha’éva (www.senatur.gov.py). Avei, ambue marandu omoherakuãtava Senatur iredes sociales oficiales-pe.

Sãmbyhyhára Duarte he’i ko arete rupi ome’ẽta pa’ũ oñemedi hag̃ua movimiento comercial oñegeneráva. “Ikatu haguã upe rire jahechauka mba’éichapa iporã ojejapo ko’ã mba’e Tetã Rekuái rupi”, he’i.

Turista ñangareko

Omotenondévo oferta turística umi sitio web-pe, nda’areiete Senatur ohechauka “TuristBot”, ha’éva peteĩservicio usuario oñemopyendáva inteligencia artificial rehe. WhatsApp rupive, ikatúta ombohovái umi porandu ojejapóva hese, ha ohechakuaa tetãpy jehechauka ohóva ambue yvypórare.

Ko sistema oiko 254 ñe’ẽpe, ikatu oñehendu térã omoñe’ẽ. Ikatu ojeipuru TurisBot www.visitaparaguay.com.py rupi.