Paraguay ome’ẽ licencia Starlink-pe ome’ẽ tekotevẽrã internet satelital ñane retãme

Tetã Rekuái Telecomunicaciones Motendeha (Conatel), ome’ẽ licencia mba’apoha renda Starlink ome’ẽ tekotevẽrã tembiapopy Transmisión de Datos ha Internet Paraguáipe.

Ko pysokue ha’e Tetã Rekuái techa ombojoaju haguã mayma tavapehẽ Paraguáipe, avei umi táva mombyryetereiva, oguerekótama tembiapopy Internet banda ancha-guáva ha baja latencia.

Mburuvicha Paraguái Santiago Peña ome’ẽ ko marandu red social X-pe: “Tapeg̃uahẽporãite Paraguáipe @Starlink @ElonMusk-gua. Mboambue opavave yvy oĩva ñane retãme ha’e momba’eguasu ore hupytyrã Tetã Rekuái ndive”, he’i Mburuvicha.

He’i avei “internet mboambue he’ise hetave tembiporu pyahu, joja ha juruja, romoporãve haguã teko porãngue umi Paraguáiguava tanderesarái moõpa oĩ hikuái”.

Ministro Tembiporu Marandu ha Iñemoasãirã Motenondeha (Mitic), Gustavo Villate, oguerovy’a ko “mba’eguasu omoñeĩta Paraguái oguereko internet porãngue, oñemomichĩ digital jeka ikatuhaguãicha opa oguereko juruja joja ojopoipyhy temimbo’e, tesãi, kyhyje’ỹ ha guerojera viru rehegua”.

Starlink ha’e peteĩ mba’apoha renda oñepyrῦva apopyrã SpaceX rehegua, omboypyva Elon Musk. Starlink oguereko peteĩ constelación de satélites órbita no geoestacionaria-pe, ikatuhaguãicha ome’ẽ Internet jeike ipya’éva ha ohupytyva arapy.

Ko’ãga, SpaceX oreko 3.000 satélite kuéra oikóva, ha’eva peteĩ myatyrõ oiko porãva ogueraha ramo Internet Chaco-pe imombyryva ha ojeguereko sa’i terã ndojeguerekóiete conectividad. Umi terminales de uso Starlink ome’ẽ va’ekue imichĩ ha hasy’ỹva ojeipuru, ha umi avarekoha oikotevẽva ikatúva oipuru Internet.

Internet jeike satelital banda ancha guáva ha’e tembiporu omomba’eguasuva okakuaa viru rehegua, ikatu ogueru inversión ha mba’apo pyahu ñane retãme.

Pe licencia oñeme’ẽva Starlink-pe imba’eguasu jeporeka Paraguái oñembojoajúva ha ombojoja mundo digital ndive. Tembiporu Marandu ha Iñemoasãirã Motenondeha, Tetã Rekuái Telecomunicaciones Motendeha ha Tetã Rekuái ñe’ẽme’ẽ oipytyvõ. Oñeha’arõ ko oñepyrῦva oñemoambue porã teko umi Paraguáiguava.