Paraguái Rekuái oipyso 300.000 litros y jegueraha Chaco-pe

Araapy ohasáva, mba’yrumýi oraháva 290.000 litros y rehegua oho Chaco-pe, oñeme’êta umi táva ndorekóiva y ikatúva ojey’u.

Ko rembiapo ojejapóva Tetã Ñangareko Motenondeha, Pytyvõ Pya’erã Sãmbyhyha ha ESSAP ndive.

Ojegueraha 5 kamiõ cisterna guáva, 10 kamiõ orekóva y tyru, hasýva mba’yrumýi, 2 mba’yrumýi ogueraháva mba’e ha tekove, milíko omba’apóva institución pública-pe omboguatava, ha oguahẽ hikuái táva Tte. Irala Fernández kuehe ka’aru, he’i Ministro Tetã Ñangareko Motenondeha guáva, Óscar González.

Ko mba’e ojegueraháva ojeguerova 382 kilómetros-re, “oruruka haguã umi hénte ogaygua oikotevẽva umi táva rehegua”, he’i.

“Rome’ ẽta umi 290.000 litros y 48 aravo, roñepyrũta kilómetro 136 tape 9 rehegua, ha roguahẽta kilómetro 377 peve, hetave hénte oĩva upépe”, he’i Coronel Víctor Urdapilleta, Fuerzas Militares rehegua.