Itaipu oipytyvõ 1.000 ogaygua oikotevẽva Alto Paraná-pe

 Agencia IP.- Itaipu Binacional oipytyvõ hína umi ogaygua ohupytýva chupekuéra ysyry guasu jejupi Ciudad del Este ha Presidente Franco-pe, omoĩ albergue kuéra ha oipytyvõ institución estatal-kuérape.

Itaipu Motenondeha, Justo Zacarías ha Vicepresidente Pedro Alliana oho umi albergue-pe arapoteĩme ohasáva.

Ojekalkula ag̃uiete 1000 ogaygua ko’ãga peve oñeñangarekóma hesekuéra Ciudad del Este ha Presidente Franco-pe ysyry guasu jejupi rupi. Ojegueraha chupekuéra upégui ha oho hikuái campamento transitorio-pe. Upépe, oñeñangareko hesekuéra oñeme’ẽvo tembi’u, y ikatúva hoy’u ha pohanohára rehegua.

Umi tendota kuéra recorrido oñepyrũ albergue provisorio Barrio Remansito Sector 4 Ciudad del Este-pe. Upéi, Vicepresidente ha Itaipu Motenondehára oho hikuái Barrio San Rafael-pe, upépe avei oñemongueta umi damnificado kuéra ndive ha umi omba’apóva tesãi reheguaumi puesto instalado-pe.

Avei, umi tendota kuéra oguahẽ pe tenda y ohupytýva, ha peteĩ embacación-pe oho hikuái ohecha haguã umi óga ha ambue infraestructura ohupytýva ysyry guasu jejupi.

Ko tembiapo ojejapo Pytyvõ Pya’erã Sãmbyhyha (SEN), tupão ha organización social rupi, ojapo hag̃ua olla popular umi refugio-pe.

Itaipu Motenondehára Zacarías Irún ome’ẽ imba’eporã umi ribereño kuéra-pe, ha he’i oñemba’apótaiti ko’ã pytyvõ rehegua, he’iháicha Mburuvichavetẽ Paraguáigua, Santiago Peña.